ÒÁÈËÖ±²¥

Mae’n rhaid i chi dalu’ch bil treth Asesiad Syml os ydych wedi cael llythyr oddi wrth Gyllid a Thollau EF (CThEF).

Mae’n bosibl y cewch lythyr Asesiad Syml os yw’r canlynol yn berthnasol:

• mae arnoch Dreth Incwm nad oes modd ei didynnu oddi wrth eich incwm yn awtomatig
• mae arnoch £3,000 neu fwy i CThEF
• mae’n rhaid i chi dalu treth ar eich Pensiwn y Wladwriaeth

Os ydych o’r farn bod unrhyw wybodaeth yn y llythyr yn anghywir, mae’n rhaid i chi gysylltu â CThEF cyn pen 60 diwrnod.

Gallwch ddysgu rhagor am eich bil treth Asesiad Syml, a’r hyn sydd angen i chi ei wneud os ydych o’r farn bod eich cyfrifiad treth yn anghywir.

Sut i dalu

Gallwch wneud y canlynol:

• talu ar-leinÌý
• talu drwy drosglwyddiad bancÌý
• talu â siecÌý

Pryd i dalu

Os byddwch yn cael llythyr Asesiad Syml:

• cyn 31 Hydref 2025 (ar gyfer blwyddyn dreth 6 Ebrill 2024 i 5 Ebrill 2025) – mae’n rhaid i chi dalu yr hyn sydd arnoch erbyn 31 Ionawr 2026
• ar neu ar ôl 31 Hydref 2025 (ar gyfer blwyddyn dreth 6 Ebrill 2024 i 5 Ebrill 2025 neu unrhyw flwyddyn dreth flaenorol) – mae’n rhaid i chi dalu’r hyn sydd arnoch cyn pen 3 mis i ddyddiad y llythyr hwn

Os na allwch dalu’ch bil treth Asesiad Syml mewn pryd

Bydd angen i chi gysylltu â CThEF. Efallai y bydd yn awgrymu eich bod yn talu’r hyn sydd arnoch fesul rhandaliad. Bydd angen y canlynol arnoch:

• eich rhif Yswiriant Gwladol
• manylion eich cyfrif banc yn y DU

Bydd CThEF yn gofyn y canlynol i chi:

• a allwch dalu’n llawn
• a oes unrhyw drethi eraill y mae angen i chi eu talu
• faint o arian rydych yn ei ennill
• faint rydych yn ei wario, fel arfer, bob mis
• pa gynilion neu fuddsoddiadau sydd gennych

Os oes gennych gynilion neu asedion, bydd CThEF yn disgwyl i chi ddefnyddio’r rhain i ostwng eich dyled cymaint â phosibl.

Gallwch dalu ar-lein drwy’r dulliau canlynol:

• cymeradwyo taliad drwy’ch cyfrif bancio ar-lein – bydd gofyn i chi fewngofnodi i’ch cyfrif bancio ar-lein

• cerdyn debyd neu gerdyn credyd corfforaethol

Ni allwch dalu â cherdyn credyd personol.

Os byddwch yn talu drwy eich cyfrif bancio ar-lein

Dim ond taliad ar unwaith y gallwch ei wneud drwy’ch cyfrif bancio ar-lein. Gall y taliad gymryd hyd at 2 awr i ymddangos yn eich cyfrif banc.

Talu’ch bil treth Asesiad Syml ar-lein

Byddwn yn gofyn i chi a ydych am fewngofnodi i’ch Cyfrif Treth Personol pan fyddwch yn defnyddio’r gwasanaeth ar-lein. Mae mewngofnodi’n gadael i chi weld a thalu unrhyw dreth sydd arnoch, ond rydych yn dal i allu talu heb fewngofnodi.

Os oes arnoch dreth o’r cyfnod cyn 6 Ebrill 2023, ni allwch weld na thalu treth gan ddefnyddio’ch Cyfrif Treth Personol.

Bydd angen eich cyfeirnod talu arnoch, sy’n 14 o gymeriadau ac yn dechrau gydag ‘X’. Gallwch weld hwn ar eich llythyr Asesiad Syml.

Talu drwy ap CThEF

Gallwch hefyd ddefnyddio ap CThEF i dalu’ch bil gan ddefnyddio gwasanaeth bancio ar-lein eich banc, neu ap eich banc.

Gallwch dalu gan ddefnyddio gwasanaethau bancio ar-lein neu dros y ffôn, Taliadau Cyflymach, CHAPS neu Bacs.

Bydd angen y cyfeirnod talu sydd ar eich llythyr Asesiad Syml arnoch. Mae hwn yn 14 o gymeriadau ac yn dechrau gydag ‘X’.

Fel arfer, bydd taliadau yn cyrraedd Cyllid a Thollau EF (CThEF) fel a ganlyn:

• Taliadau Cyflymach – ar yr un diwrnod neu’r diwrnod nesaf
• CHAPS – yr un diwrnod gwaith os ydych yn talu o fewn amserau prosesu’ch bancÌý
• taliadau Bacs – cyn pen 3 diwrnod gwaithÌý

Gwiriwch amserau prosesu’ch banc, a’i derfynau o ran trafodion mwyaf, cyn i chi wneud taliad.

Os ydych yn talu o gyfrif banc yn y DU

Talwch i mewn i’r cyfrif hwn:

• cod didoli - 08 32 10
• rhif y cyfrif - 12001020
• enw’r cyfrif - HMRC Shipley

Os ydych yn talu o gyfrif tramor

Defnyddiwch y manylion banc canlynol i dalu CThEF o gyfrif banc tramor:

• Cod Adnabod y Busnes (BIC) - BARCGB22
• rhif y cyfrif (IBAN) - GB03 BARC 2011 4783 9776 92
• enw’r cyfrif - HMRC Shipley

Gallwch dalu â siec drwy’r post. Gwnewch eich siec yn daladwy i ‘Cyllid a Thollau EF yn unig’ a’i hanfon i:

Ysgrifennwch eich cyfeirnod talu ar gefn y siec – mae’n 14 o gymeriadau ac yn dechrau gydag ‘X’.Ìý Bydd hwn i’w weld ar eich llythyr Asesiad Syml.

Fel arfer, mae’n cymryd hyd at 3 diwrnod gwaith i’ch taliad gyrraedd CThEF.