ÒÁÈËÖ±²¥

Efallai y gallwch gael taliad os ydych wedi derbyn diagnosis gyda’r afiechyd sy’n ymwneud ag asbestos, mesothelioma ymledol.

Mae 2 fath o daliad y gallwch wneud cais amdanynt:

• taliadau mesothelioma ymledol (‘cynllun 2008’)
• Cynllun Taliad Mesothelioma Ymledol (DMPS)

Mae’r canllaw hwn hefyd ar gael yn Saesneg (English)

Cynllun 2008

Byddwch yn cael un taliad.

Bydd y swm byddwch yn ei gael yn dibynnu ar beth oedd eich oedran pan gafoch chi ddiagnosis o’r afiechyd. Er enghraifft, os oeddech yn 60 oed pan gafoch chi ddiagnosis o’r afiechyd, ac rydych yn gymwys, byddwch yn cael taliad o £54,582.

Cyfraddau

Cynllun Taliad Mesothelioma Ymledol (DMPS)

Bydd eich taliad yn dibynnu ar fanylion eich cais. Darllenwch fwy am y symiau talu ar .

Cynllun 2008

Gallwch hawlio taliad untro os:

• nad ydych yn gymwys i daliad o dan Ddeddf Pneumoconiosis 1979
• nad ydych wedi cael taliad ar gyfer yr afiechyd gan gyflogwr, cais sifil neu rywle arall
• nad ydych yn gymwys i iawndal gan gynllun Y Weinyddiaeth Amddiffyn

Rhaid eich bod wedi dod mewn i gysylltiad ag asbestos yn y Deyrnas Unedig.

Mae enghreifftiau o gysylltiad yn cynnwys:

• daethoch mewn i gysylltiad ag asbestos oherwydd perthynas, er enghraifft trwy olchi ei ddillad
• daethoch mewn i gysylltiad ag asbestos yn yr amgylchedd, er enghraifft roeddech yn byw ger ffatri a oedd yn defnyddio asbestos
• daethoch mewn i gysylltiad ag asbestos tra’n hunangyflogedig
• ni ellir nodi eich cysylltiad ag asbestos ond digwyddodd yn y Deyrnas Unedig

Cynllun Taliad Mesothelioma Ymledol (DMPS)

Efallai y gallwch wneud cais os ydy’r canlynol i gyd yn gymwys:

• cawsoch ddiagnosis o mesothelioma ymledol ar neu ar ôl 25 Gorffennaf 2012
• achoswyd eich mesothelioma trwy gysylltiad ag asbestos wrth weithio yn y DU
• nid oes modd i chi olrhain y cyflogwr ble daethoch i gysylltiad agasbestos, neu ei yswiriwr
• nid ydych wedi gwneud cais sifil yn erbyn unrhyw gyflogwr neu yswiriwr
• nid ydych wedi cael iawndal neu daliad am mesothelioma yn benodol ac nid ydych yn gymwys am daliad penodol

Efallai y gallwch hefyd wneud cais os oeddech yn ddibynnydd ar ddioddefwr sydd wedi marw.

Gallwch wneud cais am DMPS hyd yn oed os ydych eisoes wedi hawlio dan gynllun 2008 neu o dan ddeddf Pneumoconiosis 1979. Os ydych eisoes wedi cael taliad o gynllun 2008 neu’r Ddeddf Pneumoconiosis, caiff ei ddidynnu o’r swm a gewch gan DMPS.

Efallai y gallwch wneud cais o’r cynllun 2008 hyd yn oed os ydych yn aflwyddiannus yn eich cais DMPS.

Cynllun 2008

Efallai y gallwch wneud cais os oeddech yn ddibynnydd i ddioddefwr sydd wedi marw. Mae’n rhaid i chi wneud y cais o fewn 12 mis i’w farwolaeth.

Cysylltwch â Llinell Gymorth Budd-dal Anabledd Anafiadau Diwydiannol (IIDB) i ddarganfod os ydych yn gymwys.

Cyfraddau

Os ydych yn gymwys, byddwch yn cael un taliad. Bydd y swm yn dibynnu ar oedran y person gyda mesothelioma pan fuont farw. Er enghraifft, os oeddent yn 60 oed pan fuont farw, ac rydych yn gymwys, byddwch yn cael taliad o £23,628.

Cynllun Taliad Mesothelioma Ymledol (DMPS)

Bydd eich taliad yn dibynnu ar fanylion eich cais. Darllenwch fwy am y symiau talu ar .

Cynllun 2008

Llenwch ffurflen gais taliad mesothelioma a darparu tystiolaeth feddygol.

Cysylltwch â Llinell Gymorth Budd-dal Anabledd Anafiadau Diwydiannol (IIDB) os nad oes modd i chi argraffu ffurflen ac mae angen un wedi’i anfon atoch.

Fformatiau Amgen

Cysylltwch â llinell gymorth IIDB i ofyn am fformatiau amgen, fel braille, print bras neu CD sain.

Cynllun Taliad Mesothelioma Ymledol (DMPS)

Gallwch wneud cais ar lein ar .

Byddwch angen:

• eich rhif Yswiriant Gwladol
• eich hanes cyflogaeth lawn, gyda thystiolaeth – er enghraifft, P60
• tystiolaeth o geisiadau aflwyddiannus i olrhain eich cyflogwr neu yswirwyr
• dyddiad eich diagnosis
• manylion unrhyw geisiadau blaenorol
• datganiad tyst

Cysylltwch â TopMark am ragor o wybodaeth ar DMPS am sut i wneud cais.

Os ydych yn anghytuno â phenderfyniad

Gallwch herio penderfyniad am eich cais. Gelwir hwn yn ailystyriaeth orfodol.

Os nad ydych yn bodlon gyda chanlyniad yr ailystyriaeth orfodol, gallwch apelio i’r Tribiwnlys Nawdd Cymdeithasol a Chynhaliaeth Plant. Bydd y tribiwnlys yn ddiduedd ac yn annibynnol o’r llywodraeth.

Rhaid i chi apelio i’r tribiwnlys o fewn mis o gael penderfyniad yr ailystyriaeth orfodol. Os ydych yn cyflwyno eich apêl ar ôl mis bydd rhaid i chi esbonio pam nad oeddech wedi’i wneud yn gynharach.

Lawrlwythwch a llenwch ffurflen SSCS6a a’i anfon i’r cyfeiriad ar y ffurflen.

Bydd angen i chi benderfynu a ydych am fynd i’r gwrandawiad tribiwnlys i esbonio eich achos. Os nad ydych yn mynychu, bydd penderfyniad eich apêl yn cael ei wneud yn seiliedig ar y ffurflen ac unrhyw dystiolaeth ategol.

Ar ôl cyflwyno eich apêl, gallwch ddarparu tystiolaeth. Bydd eich apêl a’r dystiolaeth yn cael eu trafod mewn gwrandawiad gan farnwr ac un neu ddau arbenigwr. Bydd y barnwr wedyn yn gwneud penderfyniad.

Mae fel arfer yn cymryd tua 6 mis i’ch apêl gael ei chlywed gan y tribiwnlys.