ÒÁÈËÖ±²¥

Mae’n rhaid i chi dalu cyfraniadau Yswiriant Gwladol Dosbarth 1A ar fuddiannau gwaith rydych yn eu rhoi i’ch cyflogeion, megis ffôn symudol y cwmni.

Mae’n rhaid i chi hefyd eu talu ar daliadau dros £30,000 yr ydych yn eu gwneud i gyflogeion pan fo’u cyflogaeth yn dod i ben, megis taliad diswyddo (‘dyfarniadau terfynu’).

Mae’n rhaid talu cyfraniadau Yswiriant Gwladol Dosbarth 1A ar ddyfarniadau terfynu dim ond os nad ydych eisoes wedi talu cyfraniadau Yswiriant Gwladol Dosbarth 1 arnynt.

Pryd i dalu

Mae pryd rydych yn talu cyfraniadau Yswiriant Gwladol Dosbarth 1A yn dibynnu a ydynt yn fuddiannau gwaith neu’n ddyfarniadau terfynu.

Buddiannau gwaith

Mae angen i chi dalu cyfraniadau ar fuddiannau gwaith erbyn 22 Gorffennaf bob blwyddyn ar gyfer y flwyddyn dreth flaenorol. Bydd angen i chi dalu erbyn 19 Gorffennaf os ydych yn talu drwy’r post.

Dyfarniadau terfynu

Rydych yn talu cyfraniadau ar ddyfarniadau terfynu drwy TWE.

Talu cyfraniadau ar fuddiannau gwaith ar-lein

Gallwch dalu ar-lein drwy’r dulliau canlynol:

• cymeradwyo taliad gan ddefnyddio’ch cyfrif banc
• Debyd Uniongyrchol (talu’n awtomatig, neu daliad unigol)
• cerdyn debyd neu gerdyn credyd corfforaethol

Dulliau eraill o dalu cyfraniadau ar fuddiannau gwaith

Sicrhewch eich bod yn talu Cyllid a Thollau EF (CThEF) erbyn y dyddiad cau. Efallai y bydd yn rhaid i chi dalu llog a chosbau os ywʼch taliad yn hwyr.

Mae’r amser y mae angen i chi ei ganiatáu yn dibynnu ar eich dull o dalu.

Ar yr un diwrnod neu’r diwrnod nesaf

• cymeradwyo taliad gan ddefnyddio’ch cyfrif banc ar-lein
• bancio ar-lein neu dros y ffôn drwy Daliadau Cyflymach neu CHAPS
• ar-lein â cherdyn debyd neu gerdyn credyd corfforaethol

3 diwrnod gwaith

• Debyd Uniongyrchol (os ydych wedi trefnu un ar gyfer CThEF yn flaenorol)
• bancio ar-lein neu dros y ffôn drwy Bacs
• â siec drwy’r post

5 diwrnod gwaith

• Debyd Uniongyrchol (os nad ydych wedi trefnu un ar gyfer CThEF yn flaenorol)

Llyfrynnau talu

Nid yw CThEF bellach yn anfon llyfrynnau talu wedi’u printio.

Gallwch barhau i dalu treth sy’n ddyledus o flwyddyn dreth 6 Ebrill 2023 i 5 Ebrill 2024 yn eich banc neu’ch cymdeithas adeiladu gan ddefnyddio llyfryn talu, os oes gennych un eisoes. I dalu treth ar gyfer y flwyddyn dreth bresennol, mae’n rhaid i chi ddewis dull arall o dalu.

Gallwch drefnu Debyd Uniongyrchol drwy’ch i naill ai:

• talu’ch bil yn awtomatig
• gwneud taliad unigol

Talu’ch bil yn awtomatig

Bydd CThEF yn casglu’r taliad o’ch cyfrif banc yn awtomatig, yn seiliedig ar y swm yn eich Ffurflen Dreth. Dim ond unwaith y bydd angen i chi sefydlu’r Debyd Uniongyrchol.

Ewch ati i’w drefnu o leiaf 4 diwrnod gwaith cyn y dyddiad dyledus ar gyfer eich taliad.

Fel arfer bydd CThEF yn casglu’r taliad ar y naill neu’r llall o’r canlynol:

• yn fuan ar ôl yr 22ain o’r mis
• 4 diwrnod gwaith ar ôl i chi gyflwyno’r Ffurflen Dreth (os byddwch yn ei chyflwyno ar ôl y 19eg o’r mis)

Bydd CThEF yn rhoi gwybod i chi beth yw’r dyddiad a’r swm 3 diwrnod gwaith cyn i’r taliad gael ei gasglu, fan bellaf. Bydd y taliadau’n ymddangos ar eich cyfriflen banc fel ‘HMRC SDDS’.

Gwneud taliad unigol

Bydd angen i chi roi cyfeirnod talu, sy’n 17 o gymeriadau. Mae hwn yn dechrau gyda’ch cyfeirnod Swyddfa Gyfrifon, sy’n 13 o gymeriadau.

Mae hwn ar y llythyr a anfonwyd atoch gan CThEF pan wnaethoch gofrestru fel cyflogwr am y tro cyntaf.

Ychwanegwch y flwyddyn dreth rydych am dalu ar ei chyfer a’r digidau ‘13’. Os na fyddwch yn gwneud hyn, caiff eich taliad ei ddyrannu i’r flwyddyn dreth gyfredol yn lle hynny.

Enghraifft

Caniatewch 5 diwrnod gwaith i brosesu Debyd Uniongyrchol pan fyddwch yn trefnu un am y tro cyntaf. Dylai gymryd 3 diwrnod gwaith y tro nesaf os ydych yn defnyddio’r un manylion banc.

Os nad ydych wedi defnyddio’ch Debyd Uniongyrchol am 2 flynedd neu fwy, gwiriwch â’ch banc ei fod wedi’i drefnu o hyd.

Gallwch dalu Yswiriant Gwladol Dosbarth 1A yn uniongyrchol gan ddefnyddio’ch cyfrif banc ar-lein neu’ch cyfrif banc symudol.

Bydd angen i chi fod â’ch manylion bancio wrth law cyn i chi ddechrau.

Pan fyddwch yn barod i dalu, . Dewiswch yr opsiwn ‘talu drwy gyfrif banc’. Yna, gofynnir i chi fewngofnodi i’ch cyfrif banc ar-lein neu’ch cyfrif banc symudol i gymeradwyo taliad i ‘HMRC Shipley’.

Gallwch ddewis dyddiad talu, cyn belled â’i fod cyn dyddiad dyledus eich taliad.

Gwiriwch eich cyfrif i wneud yn siŵr bod y taliad wedi mynd allan ar y dyddiad cywir. Os nad yw’r taliad wedi mynd allan yn ôl y disgwyl, cysylltwch â’ch banc.

Fel arfer, bydd y taliad yn digwydd ar unwaith, ond weithiau mae’n gallu cymryd hyd at 2 awr i ymddangos yn eich cyfrif banc.

Gallwch dalu drwy Daliadau Cyflymach, CHAPS neu Bacs i gyfrif Cyllid a Thollau EF (CThEF).

Cyfeirnod

Bydd angen i chi roi cyfeirnod, sy’n 17 o gymeriadau, fel y cyfeirnod talu. Mae hwn yn dechrau gyda’ch cyfeirnod Swyddfa Gyfrifon, sy’n 13 o gymeriadau. Yna, ychwanegwch y flwyddyn dreth rydych am dalu ar ei chyfer a’r digidau ‘13’ er mwyn gwneud yn siŵr bod eich taliad yn cael ei neilltuo’n gywir.

Enghraifft

Mae’ch cyfeirnod Swyddfa Gyfrifon ar y llythyr a anfonwyd atoch gan CThEF pan wnaethoch gofrestru fel cyflogwr am y tro cyntaf.

Faint o amser y mae’n ei gymryd

Fel arfer, bydd taliadau drwy Daliadau Cyflymach (bancio ar-lein neu dros y ffôn) yn cyrraedd CThEF ar yr un diwrnod neu’r diwrnod nesaf, gan gynnwys ar benwythnosau a gwyliau banc.

Fel arfer, mae taliadau CHAPS yn cyrraedd CThEF ar yr un diwrnod gwaith os ydych yn talu o fewn amserau prosesu’ch banc.

Fel arfer, bydd taliadau Bacs yn cymryd 3 diwrnod gwaith.

Taliadau tramor

Defnyddiwch y manylion hyn er mwyn talu o gyfrif tramor:

Bydd rhai banciau yn codi tâl arnoch os nad ydych yn talu mewn punnoedd sterling.

Cyfeiriad bancio CThEF yw:

Gallwch .

Bydd ffi yn cael ei chodi os talwch â cherdyn credyd corfforaethol neu gerdyn debyd corfforaethol. Nid yw’r ffi yn ad-daladwy.

Ni fydd ffi yn cael ei chodi os talwch â cherdyn debyd personol.

Bydd Cyllid a Thollau EF (CThEF) yn derbyn eich taliad ar y dyddiad y gwnewch y taliad (hyd yn oed ar wyliau banc a phenwythnosau) – nid y dyddiad y mae’n cyrraedd cyfrif CThEF.

Os na allwch dalu’ch bil Yswiriant Gwladol Dosbarth 1A yn llawn â cherdyn, dylech ddefnyddio dull arall o dalu megis trosglwyddiad banc.

Cyfeirnod

Gwnewch eich taliad i swyddfa ‘HMRC Cumbernauld’. Bydd angen i chi roi cyfeirnod talu, sy’n 17 o gymeriadau. Mae hwn yn dechrau gyda’ch cyfeirnod Swyddfa Gyfrifon, sy’n 13 o gymeriadau.

Mae hwn ar y llythyr a anfonwyd atoch gan CThEF pan wnaethoch gofrestru fel cyflogwr am y tro cyntaf.

Ychwanegwch y flwyddyn dreth rydych am dalu ar ei chyfer a’r digidau ‘13’. Os na fyddwch yn gwneud hyn, caiff eich taliad ei ddyrannu i’r flwyddyn dreth gyfredol yn lle hynny.

Enghraifft

Gallwch anfon siec i Gyllid a Thollau EF (CThEF) drwy’r post.

Caniatewch 3 diwrnod gwaith i’ch taliad gyrraedd CThEF.

Yr hyn i’w gynnwys

Gwnewch eich siec yn daladwy i ‘Cyllid a Thollau EF yn unig’.

Ysgrifennwch eich cyfeirnod Dosbarth 1A ar gefn y siec. Bydd hwn i’w weld ar eich slip talu.

Sicrhewch eich bod yn cynnwys y slip talu anfonodd CThEF atoch. Peidiwch â phlygu’r slip talu na’r siec, a pheidiwch â’u glynu wrth ei gilydd.

Os hoffech dderbynneb, dylech gynnwys nodyn yn gofyn am un.

Os nad oes gennych slip talu

Gallwch i’w ddefnyddio i dalu drwy’r post. Ni allwch ddefnyddio hwn mewn banc.

Gwiriwch eich – dylai ddiweddaru o fewn 6 diwrnod gwaith.

Os ydych yn talu â siec drwy’r post, gallwch gynnwys llythyr gyda’ch taliad er mwyn gwneud cais am dderbynneb gan CThEF.

Digwyddiad, neu gyfres o ddigwyddiadau, i anrhydeddu chwaraewr am ei wasanaeth yw tysteb chwaraeon, megis pan fo chwaraewr yn ymddeol.

Mae’n rhaid i’r pwyllgor tystebau dalu Yswiriant Gwladol Dosbarth 1A os yw’r taliad i’r chwaraewr:

• yn fwy na £100,000
• heb fod yng nghontract y chwaraewr

Elw o’r digwyddiad yw’r taliad fel arfer.

Mae’n rhaid i’r pwyllgor dalu’r cyfraniadau ar y taliad drwy TWE.